Lliberación
(Enez Al Loc'h)
Ello ye qu'aportó'l momentu
la lliberación
lloñe de nos toa idea
vengatible
vamos a caltener la nuesa
amistá col pueblu de Francia
(vamos a caltener la nuesa
amistá col pueblu de Francia,
ensin muries que mos
dixebren d'él)
pero nós baltiaremos les
muries vergoñoses
que mos torguen ver el mar
les torres, que mos prohiben
a los nuesos hermanos
de Gales, d'Escocia,
d'Irlanda
y nós, cuyu nome conocen les
gaviotes y mabees,
foi espulsáu de toles
llingües humanes,
de toles biblioteques, de
tolos mapes terrestres
abriremos los nuesos
corazones
de campesinos y pescaores a
toles persones
del Planeta Tierra
y ufriremos los nuesos
güeyos al mundu
¿Ye fachendosu creenos
iguales?
(¿Ye demasiao fachendosu
creenos iguales?)
¿Ye pidir demasiao que
queramos vivir?
Vamos a facer que llueva nel
mundu asoláu
y llimpiar la sangre
grasiento de la que se ceben
los autoproclamaos pudientes
y dar de beber a los
sedientos de xusticia
y les fueyes tornarán a crecer
de Bretaña a España
de Mali a Chile, de
Indochina a Palestina.
Bretaña, centru del mundu
habitáu, serás
un paraisu pa les aves
petroleaes cazaes
(un paraisu pa les aves petroleaes cazaes, masacraes)
pa les muyeres en prisión,
torturaes
(pa les muyeres violaes na
llegalidá)
pa los vieyos bombardeaos.
Céltica, nel encruz de
pueblos del norte
y del sur, nes fronteres del
vieyu mundu y el mundu nuevu,
frontera de la tierra y la
mar
na llende del mundu visible
y del mundu invisible...
Alan Stivell
